Nóg að gera hjá okkur eins og alltaf
Litlu strákarnir urðu aftur lasnir í síðustu viku og eru núna komnir á púst og nefúða
Fara vonandi að hrista þetta af sér  
Fjóla, Telma og Rakel komu til okkar um síðustu helgi og gistu. Það var rosa gaman   enda orðið langt síðan þær komu síðast. Þær kíktu svo aftur til okkar í vikunni og Valgeir Örn fór og gisti hjá Telmu á miðvikudaginn. 
Húsmóðirin er eitthvað að reyna að myndast í garðvinnu...
...en það gengur nú frekar hægt
Þar til síðar...

Þá er stóri strákurinn okkar orðinn 10 ára!
Til hamingju með afmælið elsku Jónas Orri okkar 

Jæja, löngu komin tími á ný skrif!!!  
Litlu guttarnir að verða 7 mánaða, það er meira hvað tíminn líður!

Við erum aðeins búinn að fá að finna fyrir því núna hvernig er að eiga tvíbura
Ekkert mál fyrstu fjóra mánuðina...
... en svo urðu þeir fimm mánaða og fóru í tilheyrandi skoðun og sprautu og þá byrjaði ballið 

Þeir fengu hita og voru slappir eftir sprautuna og voru mjög pirraðir í heila viku sem okkur fannst helst til langur tími og fórum með þá til læknis, en ekkert kom út úr því. Fljótlega eftir læknisferðina urðu þeir kvefaðir sem endaði viku seinna á nýrri læknisferð og þá kom í ljós að þeir voru komnir með bronkítis  .  Prinsarnir voru rúma viku að jafna sig og þá héldum við nú að þetta væri komið. En nei, fengum bara nokkurra daga pásu, þá fékk Haukur hita sem stóð í fjóra daga og Hrafn var svakalega pirraður og hékk endalaust í eyrunum á sér. Svo fékk ég mjólkurstíflu í annað brjóstið með hita og öllu tilheyrandi  
Við fórum svo með þá til háls-, nef- og eyrnalæknis í síðustu viku og þá kom í ljós að þeir höfðu báðir verið með eyrnabólgu sem þeir eru að jafna sig á. 

Þeir eru nú samt alltaf jafn yndislegir þessar elskur þó þeir láti hafa aðeins fyrir sér

Stóru bræðurnir eru líka alltaf jafn duglegir að hugsa um litlu bræður sína og finnst ógurlega vænt um þá